الدكتور والأتوبيس

مره طالب هندسه دخل الإمتحان الشفهي

فالدكتور سألوا: بشو بتجي ع الجامعه الصبح

جاوب الطالب: ب الأتوبيس

رد الدكتور :حلو كتيير ..لو الدنياشوب في الاتوبيس شو بتعمل؟!

رد الطالب: رح افتح شباك الأتوبيس.....

رد الدكتور: عظييم ....احسبلي طيب كمية

الهواء اللي داخل الأتوبيس ازا كانت سرعه الأتوبيس 60 كيلو متر بالثانيه

طبعا ماعرف الطالب ورسب بالماده وهو طالع شاف صاحبو وخبرو عن سؤال الدكتور فدخل

الطالب

الدكتور للطالب الثاني : بشو بتجي الصبح ع الجامعه

الطالب الثاني : ب سيارتي ....!!

الدكتور:طيب لو عطلانه

الطالب الثاني: بتصل ب صاحبي وبيجي ياخدني ب سيارتو

الدكتور: طيب لو مالقيتو

الطالب الثاني: بخلي ابي يوصلني

الدكتور: طيب لو كان مشغول

الطالب الثاني : امري ل الله باخد تاكسي

الدكتور: طيب لو مالقيت تكاسي

الطالب الثاني : بطلع ب اتوبيس وحسبنا الله ونعم الوكيل...!

الدكتور: حلو كتير.... طيب لو الدنيا شووب شو رح تساوي

الطالب الثاني: رح اشلح الجاكيت

الدكتور : طيب لو شوب كتير ؟

الطالب الثاني: رح فك زرار القميص

الدكتور : طيب لو شووب كتيررر كتيررر كتيررر؟

الطالب الثاني :رح اشلح القميص

الدكتور : لو شووب شوب شوب كتييير ؟!!!

الطالب الثاني: رح اشلح البنطلون......!!

الدكتور بعصبيه : لو شوب كتير كتير وماعد قادر

تتحمل ورح يغمى عليك وفي ب الاتوبيس شبااك ؟

الطالب الثاني : شوف يادكتور اتقطع ستين شقفه ولا اني افتح

شباك الأوتبيس..!!